مرحوم يا هاك الشويّـب و لا مات = من لاح برقه بين سود الغمايم
الجاه يحيي الذِكْـر , قرمـ/ن وخدْرات = وان شان طبع الجاه ظلم وظلايم
والبارحه لي معْ طـوآريـه صفحات = باسباب مَنهن من بناتـه توايم
الاوّلـه يومـ/ن هجد ليلنا جآت = واشكي لها الاوضاع ما كان قايم
ابْرع لها بالشرح وتبْرع بالانصات = والصمت حكمة والوسايل عدايم
والثانيه فيها من الطيب حسْنـات = برّت بشايبْهـا جزيل الوسايم
في صوتها من جور الايام آهات = جرّة كمنجه في عذوبة نسايم
غنّت لـبوها وانتهى الحال بسكات = ودموع عيني ضمّـدتها العمايم
ايـا طـواريق الفلـس والمغبّـات = ما من سلامة نفس ولا من غنايم
ما جيت ادوّر اسكنك بس لحظات = والله يجازي ناقلين النمايم
والكوكب اللي اخلفنّـه مجرّات = لا عاد يسال وين قمراه هايم

المشاركة الأصلية كتبت بواسطة من يسد بمكانه (المشاركة 89047) لك مني اجمل تحية

المشاركة الأصلية كتبت بواسطة أبو مشاري (المشاركة 89197) مرحبا ياحمد .. والرساله بينه من عنوانهاا والله يعز الطواريق دامها جابت لنا شيييخ ولا اقول شايب .. ابيات رائعه ونص جميل اعجبني واستمتعت بقراءته ولا خلا ولا عدم يالقرم واتمنى لك التوفيق اخوك ابو مشاري

المشاركة الأصلية كتبت بواسطة الهــــــــوى (المشاركة 89227) صح لسآآآنك ,,ابيات تظهر فيها برآعه التصوير. والله يديم ابدآع هالشايب ويخلي له بناته ويزيد برّهم له . تحيآآآتي.

المشاركة الأصلية كتبت بواسطة حمد السبيعي (المشاركة 89555) هههه اي شايب اللي تبينه يبدع انا قصدت بالشايب " الحب " وثاني بناته قصدت فيها " القصيده "