بديت بخالقي شعري قبل هلّـه مـن الأمـزان=له الحول و له القوّة وكيـل الخلـق والوالـي
سلام ٍ للملك عبدالله مْـن الله وكـلّ انسـان=سلام ٍ من ملوكـه مـن علـوّ تبلّغـه غالـي
لسيّدنـا نجـدّد عهْدنـا ونـجـدّد القيـفـان=فخر دار السعوديّـة وفـوق العالـي العالـي
خدوم الربّ في بيت ٍ مميّزنا عـن الأوطـان=بتوسعته ومـاء زمـزم تسهّـل لِيْـد نَهّالـي
ربط بين المشاعر ربطة الواثق بامن واتقـان=بقطارٍ يسّـر الحجّـه علينـا يذهـل السالـي
خدوم المصطفى محمّد بمسجدْه ابعـد الحـدّان=وتحَت قبتْه فـرّح زايـره لاوّل مـع التالـي
نذر نفسه لِخدمة دينٍ وشعـب وطـن سيّـان=عيونه تسهـر وقلبـه يقـظ مهتـمّ ومبالـي
عيونه عين شمسٍ غير واضح بينهم شتّـان=عيونـه سامرات وعينهـا م/ النـوم شِيّالـي
فضا ذا الكون في كبره يشابه قلبـه الحنّـان=ولكن قلب ابو متعب مـعَ كبـره مُـهُ بخالـي
رعى ايتام و بنى لاطفال مشفى به فصِل تيمان=وزاد الجامعات ومدّهـا مـن بشتـه ظلالـي
رحيم ٍ بالنسا ورُحمه على الشبّان والشيبـان=مثل هبٍ على الحـرّان بـرّد يـوم يجتالـي
مكارم كفّه المعطي على كفوف اهلـه الهتّـان=ومكارم كفّه الثانـي علـى البلـدان سيّالـي
كثير اهل الكرم عنده قليـل ٍ قطـره بخلجـان=وكبير اهل العقل عنده صغير ٍ حيـد بجبالـي
ورا باب الأمل وِقْفوا وجِلسوا م/التعب عربان=ولاغيـره فتـح بابـه بيمنـى طيّبـة فالـي
ملك يفرق عن مْلوك وفرقه بالتواضـع بـان=تجمّل بالعـدل وجهـه ولمعـه دمْـع نزّالـي
مبادر للسلام ومصلح الزعـلان م/ الزعـلان=سموحٍ فى الخطا من طيبته صدره بلا جالـي
محارب للفساد ومرهـب الإرهـاب اكحيـلان=قدم بالبيرق الأخضر بطل من خلفـه ابطالـي
محبّين وقسَمهم نصره ولـو تكمـل الدميـان=بيوتك يا وطـن بيـت و رجاجيلـك برجّالـي
جمعهم قايد بقلب ٍ من الـوان العَلـم مليـان=يفرّقهـم قضـا وْ تجمعهـم الجنّـات طوّالـي
ضرير ٍ يوم سمعه يأمل انّه يبصـره باعيـان=واصم ٍ يوم شافـه يأمـل بسمعـه للاقوالـي
دموع الناس في غيبتْه وحضوره سقت خدّان=دَمِع حزْن و دموع افراح في عودتْه متشالـي
ألا يالله تحَفظـه حفظـك لبيتـك وللـقـرآن=أبونا اللي سبقنـا بـرّه المضـرب للامثالـي

عاشق الزين
رائد العصيمي
أرحب ، وهلا وسهلا وغلا ..

أكيـد ما تفيه حروف ، وهو أكبر من أحاسيسنا ، وأغزر من مطر متواصل مترادف ..

الهوى يحفظك الله ..
وأنا أتشرّف بقرائتكم ، ومشاعركم تجاه النص.
وأسعد بإضافتكم.

الأخ العزيز
محمد الوريكي
أشكرك على إنطباعك ..

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]