يـــــاطير حـظ اللـي لمثلـك يعيّـن=من دون عقلانك تتالـت اوجابـك

غريّت بك واثر السبب كان هيّـن=انقص فجأه مـن رداه وغـدا بـك

واوما جناحك يطلـع الجـو ليّـن=وطير ٍ يشوف امسوح ريشك يهابك

من جاب مثلك ما خسر لو تديّـن=لا سامك اللي رافـع ٍ فتـح بابـك

مافيه شي ٍ من وصوفـك يشيّـن=شكلك ..والى جاك الزبون التوا بك

ماريّتك فعل ٍ علـى الوجـه بيّـن=اما وسم .. والا نتيجـة مشابـك

صوره لهـا رب المخاليـق زيّـن=تاقف على ارض ٍ سوّرتها حرابـك

الله يحطك فـي نصـد كـل ديّـن=اللي تسوقه شيمتـه ليـن جابـك

قرم ٍ على اسمي في الشريحه تبيّن=قد ذاق لوعات الضياع ولفـا بـك

يامااطيّبه من هـو لمثلـك يعيّـن=دوّر لرقمي في (قطر) لين جابـك

قـرم ٍ علـى اسمـي فــي الشريـحـه تبـيّـن قـــــد ذاق لـــوعـــات الــضــيــاع ولـــفـــا بــــــك يـامـااطـيّــبــه مــــــــن هــــــــو لــمــثــلــك يــعـــيّـــن دوّر لـرقـمــي فــــي (قــطـــر) لــيـــن جــابـــك