|
خالد العبيريد +ناصر بن حسين
اقرب شاعر او شاعره وده يعلب يقلط حياه الله ,,
ياسلام ومرحبا ثنتين والخاطر وسيع=والمعرفه راس مالي والعرب في سوقها كل شاعر من هجوسه كانها صقع وصقيع=معيه اخطاام النجيبه والاشده فوقها |
رد: خالد العبيريد + .....؟
صح لسانك يالقرم
ننتظر قبيلك |
رد: خالد العبيريد + .....؟
صح الله بدنك يالتهامي ولاهنت ياغالي ,,
تحياتي لك . |
رد: خالد العبيريد + .....؟
مرحبا بك يالعبيريدي على الخط السريع=والخلايق يا رفيقي لا تزر حلوقها دام للشعار وقفه صاحبك ساسه رفيع=والنجيبه ما سوا ناصر سكن في موقها |
رد: خالد العبيريد + .....؟
مرحبا بك يالعبيريدي على الخط السريع=والخلايق يا رفيقـي لا تـزر حلوقهـا
دام للشعار وقفه صاحبك ساسه رفيـع=والنجيبه ما سوا ناصر سكن في موقهـا اررحب ياناصر حياك الله اتشرف بالعب معك , اييه سسلمت واسستلم ,, البقى يلي ترحب والسوالف لاتضيع=العوارف قالو العربان من منطوقها قبلة الله يوم بان العلم من صدر المذيع=حقوها ياناصر ابن حسين عندي حوقها |
رد: خالد العبيريد +ناصر بن حسين
الشرف لي طال عمرك واستلم لا هنت
انتهض للشان يا ابن الناس فاليوم المريع=والاذاعه لا تجي معها تزيد فتوقها قبلة الله وجهة الاسلام والموقف فضيع=يوم رايتها معى الاجواد جوف عروقها |
رد: خالد العبيريد +ناصر بن حسين
انتهض للشان يا ابن الناس فاليوم المريع=والاذاعه لا تجي معهـا تزيـد فتوقهـا
قبلة الله وجهة الاسلام والموقف فضيـع=يوم رايتها معى الاجواد جوف عروقهـا هالله هالله كلام ياناصر ,, سسسلمت واسستلم ,, راعي العطفه ياناصر قادها قبل الجميع=احسب احساب العدد واحذر تسبب عوقها انت رجل ٍ فالقى مافيك قاصر يالشجيع=ليه تسعى بالرديه لين جاء مطروقها |
رد: خالد العبيريد +ناصر بن حسين
ناصر اصبر جوني ضيفان يالقرم لكن شويات بجيك ان شاء الله ,
|
رد: خالد العبيريد +ناصر بن حسين
ما يضيع ولا تضيع غير هقوات الوضيع=وانت في هلها غديت تساوم بمسلوقها ما سعينا بالرديه لا تخليها تشيع=وانت تهوى الفاتنه لكن انا معشوقها |
رد: خالد العبيريد +ناصر بن حسين
خذ راحتك يا ابو سهيل انا في انتظارك بس لا تبطي علي
|
رد: خالد العبيريد +ناصر بن حسين
صحت السنتكم
متابعة واصلوا |
رد: خالد العبيريد +ناصر بن حسين
ثورة الزير صح بدنك وتسليمن على المتابعه
|
رد: خالد العبيريد +ناصر بن حسين
صحت الالسنه وتعافت الابدنه
متابع لكم تحيتي لكم |
رد: خالد العبيريد +ناصر بن حسين
صحت الاسنه وانا متابع الابدااااااع بصمت
وصف صفك يابواسهيل من درون قاصر في تاصر |
رد: خالد العبيريد +ناصر بن حسين
الحمد لله على السلامه ياخالد
وصحت ألسنتكم جميع |
رد: خالد العبيريد +ناصر بن حسين
صح الله لسان الششششششششششاعرين
|
رد: خالد العبيريد +ناصر بن حسين
متابع الابداع صحت الالسن
|
رد: خالد العبيريد +ناصر بن حسين
صحتت اللسنتكم , وبيض الله وجيهكم
|
رد: خالد العبيريد +ناصر بن حسين
هلا بالجميع ,,
صح الله قلووبكم وصح ابداانكم عني وعن ناصر واسف يابو حسين للظروف احكام والله اليوم غدى ووعشا لكن حلها على الله ويوم جيت ماشوفك متواجد ولودي العب الا نكون مباشر ,, تقديري وتحياتي للجميع . |
رد: خالد العبيريد +ناصر بن حسين
وافي يا ابو سهيل وتسلمون الجميع على المرور والجايات اكثر تحياتي للجميع
|
| الساعة الآن 06:14 PM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
