|
( خالد العتيبي + فهد الهباش)
ياسلام الله سلام ٍ فيه من خير ٍ وخيره=يسبقه مسك ٍ وكادي يدفعه جزل المعاني كل شاعر من هجوسه والمعاني مستديره=ودنا ناخذ ونعطي بالكتابه والظماني |
رد: بـيت للـرد ,,
مرحــبا يالشاعر اللـي تــو ما يــشعب بـعيـره
ساقــتـه الأقـدار يــمّ الــدار والــدآر بأمــانـي هات ما عندك عسى الله يحفظ الشعب ويجيره المسافـة تظهـر المجهـود ويـبان الحــصـانـي |
رد: ( خالد العتيبي + فهد الهباش)
صح لسان كل من الشعراء
خالد العتيبي وفهد الهباش متابع على طول |
رد: ( خالد العتيبي + فهد الهباش)
بتوفيق لكم متابعه اكييييد
|
رد: ( خالد العتيبي + فهد الهباش)
ياسسسلام كلنا متابعين شاعرين مميزين
ونتطلع الى الامتاع المعهود .. الله يعطيكم العافيه وانا موجود لا تطولون علينا ض29 |
رد: ( خالد العتيبي + فهد الهباش)
عوافي
خالد العتيبي وفهد الهباش مبدعين ولاهنتو |
رد: ( خالد العتيبي + فهد الهباش)
لاهنتو يالغالي
يبدو ان خالد غير متصل لذا تتاجل لبكرة وانتم موعودون باذن الله |
رد: ( خالد العتيبي + فهد الهباش)
صح الله ابدانكم جميعا ولاهنتم ,,
واسف على التأخير ولاهان راسك يافهد الهباش . |
رد: ( خالد العتيبي + فهد الهباش)
ض25
ض25 ض25 واصلوو طيب |
رد: بـيت للـرد ,,
اقتباس:
البقى بك يامرحب والخبر جاكم نذيـره=كل شيخ ٍ ماجهل ركب الاصيله والعماني دعوتك زينه ولكن خل لك عقل وبصيره=احزم حزامك وحذرا تحسب العشر بثماني |
رد: ( خالد العتيبي + فهد الهباش)
تعال يافهد ترى ما رحنا بعييد
هذا والله اللييل ... الليل الليل ياخااالد اكرب حزامك وشد حيلك |
رد: ( خالد العتيبي + فهد الهباش)
حياك الله هوى الغرربي ,,
لك كل الشكر والتقدير على الحضور والمتابعه . |
رد: ( خالد العتيبي + فهد الهباش)
الله .. أحلــي شي لما يطلع جنون الشعــر بتآلي الليل بدآيه قويه .. وأجزم بتكون قمه بالامتآع متآبعه لكــم أخوانــي .. صح الله السنتكم مقدما :) |
رد: ( خالد العتيبي + فهد الهباش)
حياك الله رمق ,,
لاهنتي على الحضور المضئ صح الله بدنك وكلك ولك كل الشكر والقدير . |
رد: ( خالد العتيبي + فهد الهباش)
يا حغيد اهل النضا طاب اللقاء والعلم خيره
............... ليلتن تزهى بشوفتنا عتيبي وقحطاني السلاح اللي ما يرمي خزّنت فيه الذخيره ,,,,,,,,,,,, واللسان اللي تلعثم دوّروله ترجماني |
رد: ( خالد العتيبي + فهد الهباش)
متابعين القاف .... عشتوا جميع
|
رد: ( خالد العتيبي + فهد الهباش)
هلا والله بولد العم حياك مبدعين
لاهنتو... الليل الليل |
رد: ( خالد العتيبي + فهد الهباش)
اقتباس:
الله اكبر كيف طاح الشيخ والسبه شويره=احمد الله يوم ربي يافهد عنهم رفاني كل ماقلنا عساها تنجلي من كل حيره=عاد منهو مرتفع فوق المعالي للطماني |
رد: ( خالد العتيبي + فهد الهباش)
سعيد محمد ,,
متابعتكم تضئ القسم كله شااكر لكم المتابعه . |
رد: ( خالد العتيبي + فهد الهباش)
الله أكبر كيف بعض الناس دوّر للقصيره
................. المثل قال العرب بالطبع من نظرة عياني شايمن عن سيرته لو كان ماله اي سيره ............... وان بلاه الظيم قمت اقرا له السبع المثاني اخوي خالد انا عندي دوام بكرة ما يرحم ، امريكان على صباح ربي بيطردوني يدب ان انام ، واوعدك بكرة ان نكمل المحاورة لايف ، وقت دخولنا ويشهد الله ماجلست لذا الوقت الا تقدير لك وللربع الخاضرين اشوف وجهك بخير غدا |
رد: ( خالد العتيبي + فهد الهباش)
اقتباس:
صح الله لسانك وصح كلك ولاهنت ابد ابد خذ راحتك موفق خير والله يسهل عليك وبيننا لقا فالايام المقبله يمكن بكره مثلك مداوم لكن الاهم تشرفت بالقاف معك ولك خالص التقدير والاحترام ,, الشكر والتقدير وكل الوفاء لمن تابع وانتظرنا ,, خالص تحياتي لكم جميعا ً . |
رد: ( خالد العتيبي + فهد الهباش)
تسلم يالغالي لبى قلبك
الشرف لي،،، وهو كذالك ،، ان شاء الله.. |
رد: ( خالد العتيبي + فهد الهباش)
الله الله إنها من أجمل المحاورات الكتابيه التي مرت علي إثنيننكم مافيكم حيله فالكم الجنه وفي المره القادمه أنا بحاورواجد فيكم شدو حيلكم هههههههههههههه تحياتي / ترانيم |
رد: ( خالد العتيبي + فهد الهباش)
حياك ترانيم المطر ,,
الاجمل حضوورك المضئ وبارك الله فيك والله يستر من المرات الجايه ههههه كل الشكر والتقدير لك . |
رد: ( خالد العتيبي + فهد الهباش)
شكرا لكل من مر وحضر
تحياتي للجميع تم اقفال المحاورة |
| الساعة الآن 04:22 PM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
