سقيم المشاعر من بعد غيبة الغالي=ولا فادني دكتور لوّ كثـّر اعلاجه
الا من طرالي هلّ من عيني و سالي=غزير الدموع اللي تغرّقني امواجه
اسجّ القدم واميل معْ ميلةْ اعقالي=على ديار خلّي رغم ماهي بدوّاجه
يقولون خلّي عشرة سنين رحالي=جرح خاطرهْ كثرةْ عواذيل هرّاجه
وعوّدت معْ همّي على الماكر العالي=كرهت البشرْ بعدهْ ولا لي بهم حاجه
ولاعاد ينفعْ صفقة ايديّ بالخالي=اذا صارت اعيوني عن النوم هملاجه
اشبّ الضلوع العوج وآبهّر ادلالي=معاميل حزني نارها دوم وهّاجه
والاشواق هزّة معْ طواريه فنجالي=تبيح المشاعر خافي القلب واخلاجه
سقاللهْ زمان الحبّ من يجلس اقبالي=نواوير خدّهْ زاهيهْ دون مكياجه
مواليف ..! لكنّ القدر يقطع احبالي= شحوح المواصل سبّب لقلبي احراجه
طيور الاماني كمْ تباكت على حالي=وكمْ كان يبكي في سما ليلي اسراجه
كِثِر ما توجّد خافقي ماتت امالي=دفنت الامل واخفيت في صدري ازعاجه

المشاركة الأصلية كتبت بواسطة يمامه الشاعره (المشاركة 191060) صح لسانك ابداع رائع جدا الله يعافيك تقبل مروري

المشاركة الأصلية كتبت بواسطة أمير الشريف (المشاركة 191061) ياوجد حالي عليك يامشاري .. صح الله لسانك وبيض الله وجهك .. اشبعتني شعر يامبدع .. يعلم الله اني خجول جدا امام هذه المعلقه لأني متيقن ان مروري لا يوفي هذه الجزله .. تحياتي لشخصك الكريم

المشاركة الأصلية كتبت بواسطة شقاويه (المشاركة 191071) اسجّ القدم واميل معْ ميلةْ اعقالي على ديار خلّي رغم ماهي بدوّاجه يقولون خلّي عشرة سنين رحالي جرح خاطرهْ كثرةْ عواذيل هرّاجه وعوّدت معْ همّي على الماكر العالي كرهت البشرْ بعدهْ ولا لي بهم حاجه ولاعاد ينفعْ صفقة ايديّ بالخالي اذا صارت اعيوني عن النوم هملاجه اشبّ الضلوع العوج وآبهّر ادلالي معاميل حزني نارها دوم وهّاجه صح لسانك يالشاعر