تحفض في كلامك والمعاني=وخل الصدق في صونة لساني
انا لامن كتبت البيت شامخ=مثل شامخ وقبات المباني
انا افصح يعربي لاقالوا إفصح=وانا الاول وثاني كل ثاني
انا متنبي العصر المعاصر=ولا كن عشت دهر العولماني
انا لب الكلام ومفرداته=وانا غر الصقيل لعظم شاني
ياأمير الغر عني وش علامك=ترى مافيه للمهره عناني
ليا منا عسفناها تراها=تصيراللين من اعواد اللياني
كلامك يارفيقي جاب ذكرى=لمعن ابن اوس في ماض الزماني
اعلمه الرماية كل يوم"=فلما اشتد ساعده رماني
لحد البيت ذا ماني مكمل=انا غر الصقيل لعظم شاني

المشاركة الأصلية كتبت بواسطة محمد الشريف (المشاركة 188582) ارررررررررررررررررررررررحب يافهد الهباش وجعلك ماتهون مرور جميل وانت تقول العتب مرفوع لاكن انا اقول القلم مرفوع ههههههههههههههههههههههههههه لاهنت لاهنت

بعد مالله على مثلك هداني=بأعدك يامحمد من خواني
واطوع لك حروفي في القصيده=وافصل لك على قدك معاني
ولاني جاعلٍ راسي براسك=لأني لو نطحتك بآتعاني
انا املك كف ابو ليلى وعنتر=ولي تفكير عقل الاصفهاني
اصيغ الذم لكنّه بحكمه=وافل المدح لعيون الغواني
من عيون الشعر بانحت كلامي=مدام الله ربي قد عطاني
سكنّي في منام الليل جني=وسلمني حصان وصولجاني
ليا منه دعى للشعر داعي=لقيتوني معدني في مكاني
لقب شاعر بني هاشم خذيته=من الركن العراقي لليماني
انا الشاعر وغيري نص شاعر=وانا عشري حشى ترجع ثماني
وانا لا جيت اعد اية قصيده=يشيّب راس منهو قد قراني
قريت معلقات الشعر لكن=تهون بحظرة السبع المثاني
مثل ماني حضرت وقلت قولي=بطل مفعول قولك يافلاني
يابن عمي ترى ماهي غنيمه=اذا حنا غنمنا بس ضاني
نبى نغنم لك الله صافناتٍ=تسر اللي سكن خلف المحاني
ابى شاعر له العذرى تكحل=ليا منه تعنّى ثم لقاني
مابى شاعر يهج الزين منه=قصيده مايوثقها الضماني
يابن عمي قبل تبحر علينا=فشف لك بحر من حوله مواني
انا قدرت طيشك يامراهق=ولاني معتبر طيشك لفاني
(فإنا لو قسونا في شجاعٍ=تحَوّلَ من قوافينا جباني)

المشاركة الأصلية كتبت بواسطة فهد الهباش (المشاركة 188674) واش اقول وش اخلي عندنا هنا الفرزدق وجرير وتخيروا بينهم لكن قسم اني قريت شعر بمعنى الشعر اكتفي بهذا واقول صح الله اللسان وسلم البنان وانت ومحمد في الراس عينان

مشرفنا العزيز فهد الهباش .. طلتك اضافة لي الشي الكثير .. انت من الناس اللي احب تواجدهم في متصفحي .. صح الله بدنك وتسلم على المدح يالغالي .. تواجدك يهمني .. لا هنت

المشاركة الأصلية كتبت بواسطة محمد الوريكي (المشاركة 188682) امير لاهنت وبيض الله وجهك وعساك سالم قصيده جزله من راس جزل لك ودي واحترامي

وجهك ابيض يامحمد .. لا هنت على المرور .. تقبل مني كل التحايا ..

المشاركة الأصلية كتبت بواسطة سعيد محمد القحطاني (المشاركة 188687) هههههههاا امير مارايح اشكرك اشكر اخي. محمد اللي خلاك تقهوينا من مهيلاتك فناجيلٍ يكيٌف راس راعي الكيف فنجالها لو دارين زعلناك من زمان مع علمي بمحبتكم وتقديركم بعض ولكن حبيتو تونسونا الله يحفظكم صح لسانك اخي امير ولسان اخي محمد وفي أمان الله وحفظه

كلامك سكر ياسعيد .. ويهيض حتى الراقد .. مدحك يزيدني فخر ويشرفني شاعر مثلك ان يتواجد هنا في هذه الصفحه .. صح بدنك ولا هنت
اما بالنسبه لمحمد فانا وياه اخوان وعيال عم ولو حدث بيني وبينه اكثر من كذا مانزعل من بعض .. وردي له من باب المداعبه والا محمد شاعر مبدع وكفو وانا معجب في قصيده

المشاركة الأصلية كتبت بواسطة ناصر الشريف (المشاركة 189009) ارحب وحي والله ذا الحس يا شاعر بني هاشم كفو والله يعطيك العافيه على الرد الجميل صوت وصدا ولا اروع امير شاعر كبير ومحمد مجرم ولكن يا امير اليك هذا الشطر ارجو اعادة النظر فيه لقيتوني معدنـي فـي مكانـي ولكم مني خالص الود والتقدير

الله يبقيك ياناصر .. وانت شاعر ماعليك زود ..
لكن ملاحظتك هذي اسميها ( شوفوني ياناس ) .. ياناصر ورب البيت ان ملاحظتك غريبه وكأنك تقول انا اقوى شاعر في العالم .. تبغى تعذرب في الشي غصبا لو كان جميل .. يا أخي انقد مثل الناس والا أركد لا تسوي فيها .. الشطر معجبني ومن اجمل الاشطر عندي في هذي القصيده ..
وكم ياقصيده لك فيها ابيات ماتعجبني وليس فيها مايغني او يسمن من جوع ولكن لا أعذرب لأنه قد يعجب غيري .. تحياتي لك