دار الزمان وكل شين تغيَر =حتى وحوش الجو قد هي تفاريخ
وقت به العراف بامره تحيَر =كل غدا شاعر وكل غدا شيخ
كل ايجامل غصب خوفن إيطيَر =من خوف لا يكسب ملامه وتوبيخ
غير التردد والخجل ما تخيَر =يجري مثل جري المحاله على الصيخ
ولو كان راع الشيب لجله ايعيَر =ما شابت اعزوم الرجال المطانيخ
تاصل لو ان حبل المواصيل شيَر =وتصقل مثل صقل الجمر بالمنافيخ
والعرف من جال الجهاله امذير =والعذق ما نكس به الا الشماريخ
ما هم بمثل الجاثم اللي تثيَر =ما كان ذاق الزاد لولا الطبابيخ
وكثر الحذر ما ينفع اللي تطيَر =والحي يبقى لورمته الصواريخ
ودرب العواذل للنشاما امقيَر =عليه تسمع للحذايا تصاريخ
من ضاق منهم شال بشته وسيَر =اهل القلوب اللي صداها صلابيخ

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]..
تسلم اناملك الذهبيه "~
لقلبك ـآعذب ج‘ـوريه[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]..

صح لسانك اخوي ابو مشاااااااارى
أبيات جميله وراااااائعه
راقت لذائقتي كثيراً
اكليل الورد لروحك

وقـــت بـــه الــعــراف بــامــره تـحـيَــر
كــل غــدا شـاعـر وكــل غــدا شـيـخ



الله الله على الابداع
محمد طالع على ابووه
قصيدة تعجبني كثيييرا
صح لسان الشاعر الكبير حمد بن فطيس

وشكرا ابو مشاري على القصيدة


الله يعطيك العافية

وقت به العراف بأمره تحير
كل غدا شاعر وكل غدا شيخ