|
رد: الطارف حياه الله (اللي مشتهي المحاوره يجي )
الشاعر خالد العتيبي
الشاعره ترانيم المطر بيض الله وجيهكم محاوره قويه واسمتعت في في محاوره من اقوى المحاورات من يوم جيت بالمنتدى اذا ماكانت أقواها على الاطلاق ويليها محاورة قاصد كريم واثورث الزير وهناكرمحاورات لم اطلع عليها الف الف شكرلاشاعرينا والمتابعين الكرام ولاهنتوا اخلا تقيييم لاشاعرينا |
رد: الطارف حياه الله (اللي مشتهي المحاوره يجي )
كل الشكر لمن حضر ومن شارك أسعدتمونا بارك الله فيكم
ترانيم = يا مرحبا ترحيبتن من راس جزله للجزال =أهل المراجل عارفين الوارفه من ظلها من بعدها نادو على خالد قبل وقت الزوال = أما يحل المسأله ولا يدور حلها خالد= دام البقى بك يامرحب والمواقف للرجال=والكلمه الجزله ترانا كلنا نفطن لها العلم عندك والبروق تلوح في عرض الخيال=هاتي علومك قدم عيني دقها مع جلها ترانيم = البرق يبرق شرق ونخيله مع الوجْهه شمال =والسالفه لو طولت ما بان عندي ذلها لا هبت الهيجا ودن النجر للعاقل مجال =أما يربّط فاطره والا يجي يشتلها خالد= يابنت حواء صارت الايام في حدر وجدال=والا مقابيل العرب بالمعرفه نقبلها لاباح صبر العاقل يصيبه مع الخفه هبال=وان ولعت نار المواقف جهدنا يحتلها ترانيم = لو طالت ابك السالفه ما بالسوالف راس مال = السالفه بانت على وجه النهار وملها الليل سرمد والقمر عوّد من الليله هلال = وبنت المراجل يالعتيبي ماحدن واصلها خالد = ماودي انشرها وهي فيها حرام ٍ مع حلال=والله يبارك فالخليله كان جاها خلها اما نوردها على عد الروى تشرب زلال=والا نخليها على وضح النقى في دلها ترانيم = من بعد ما بعناك بالغالي شرينا بالريال = سهم البلاد اللي هبط بالكبد باين غلها يا كثرناس ما يعرفون المعامل والدلال = واللي مخربها نشوفه جالسن في تلها خالد = فدوه ولابعناك فادين الرفيع من المقال=والا سيوف القافيه عزت عزيز ٍ سلها منهو مشى فالطرقه الي بين ميله وانعدال=عيبه تطبل له شياطينه وهو يطبلها ترانيم = عد الروا جيته وفي اليمنا جزيلات الحبال = وشربت وارويت الشوارد والضوامي كلها وانته عدودك وارفه مافيه عدن به خمال = واللي يجيب السالفه بالفيصلي نستلها خالد = نور الهواجس يفضح بمعناه ظلمات الليال=ونفوس بعض الناس ماتت والسبب من علها مادامها راحت سوالف جوابي هذى السؤال=وش حيلة الي نيته تال الزمن يحفر لـها ترانيم = مادام صلى الفرض في مكه قبل يذن بلال = ما فاده ركوعه مع سجود عساه يفلها ماني وكيله للخزى لو خلة العالم تخال= كم من سفيره روحت والناس ترعى بلها خالد= مهما حصل صان الجمال العابره راع الجمال=دام الدروب العوج في ممشاه حافظ دلها وش عاد باقي يوم شمسك طالت وضاع الضلال=غير الختام من البدايه والعلوم نكلها ترانيم = انشهد انك يالعتيبي ما تجي حول الهيال = قيفان نظمك وافيه والنفس ما بتملها شربت من قيفان نظمي مدْعيت ادنا الكمال= اجيب لبس الطيبه وان جبته افصللها |
رد: الطارف حياه الله (اللي مشتهي المحاوره يجي )
كل من حضر وشرف بحضوره اشكره جزيل الشكر ولاهان والابداع هو حضور الجميع ,,
صح الله ابدانكم وقلوبكم ولاهنتم ,, ترانيم صح قلبك ولاهنتي على ماقدمتي نن تسيق ,, خالص تحياتي ووافر احترامي للجميع . |
رد: الطارف حياه الله (اللي مشتهي المحاوره يجي )
اقتباس:
شاعرنا القدير القوه نستمدها من متابعتك والجزاله هي حضورك تحياااتي |
رد: ( ترانيم المطر + خالد العتيبي )
من اجمل واروع المحاورات
ما شاء الله عليكم يا شعراؤناااا مبدعين مبدعين بقوة تستحقون التحية والتقدير والتقييم سيتم اقفال المحاورة |
| الساعة الآن 04:19 PM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
