|
رد: ( الصقر الجارح + ناصر الشريف )
اقتباس:
يامانصحت اول وبنصحك تالي ..... الحــــب مايأتي بـغــيــرالــبــهــاذيل |
رد: ( الصقر الجارح + ناصر الشريف )
لا تشرب الا من قراحٍ زلالي=دعس الاثاري صار من دون توكيل الطيب حاصل غير صعب المنالي=والشعر عندي مندفق كنه الغيل |
رد: ( الصقر الجارح + ناصر الشريف )
اقتباس:
والطيب ياناصر ترا راس مالي ... والشعر عندي واضح كنه اسهيل |
رد: ( الصقر الجارح + ناصر الشريف )
برق السما ونجومها لي تلالي=وكفوف سلمى طوحت بالمناديل بنشدك عن شي يشعلل شعالي=اصغر من النملات واضخم من الفيل |
رد: ( الصقر الجارح + ناصر الشريف )
برق السما والنجم ياخـوك عالي ..... كـلن يـشـوفه بالـسـماء لاظلم الليل
انا اعتقد لغزك ماهوب اكتمالي ..... عطني اللغز كامل ومن دون تأجيل اخوي ناصر اعتقد ان اللغز هو اصغرمن الجربوع واكبرمن الفيل؟ وليس اصغرمن النمل واكبرمن الفيل! لاني شاك بالحل ومو متأكد علشان كذا ارجو توضيح اللغز اكثر ياخوي ناصر |
رد: ( الصقر الجارح + ناصر الشريف )
ما ادري وش اللي يا رفيقي جرالي=جربوع والا نملة جات بارجيل فكك عقود مشربكات الحبالي=ولا تنصل عن لجابات تنصيل |
رد: ( الصقر الجارح + ناصر الشريف )
اقتباس:
حل اللغز احصــان وهــــذا احتمالي ..يشب حرب ويقتل الفيل بالشـــيل |
رد: ( الصقر الجارح + ناصر الشريف )
مالك لوا ياللي نويت النزالي=كبريت عوده يشعل الضو ويهيل لا جات ضوه مثل روس التلالي=ينهي مقام الفيل من دون تقبيل صح لسانك اخي العزيز ناصر المري او الصقر الجارح وسررت باللعب معك لكن المحاوره طالت اكثر من اللازم كما ان هناك جبر في احد الابيات اللي فيه الشطرنج تحياتي اخي العزيز واعذرني |
رد: ( الصقر الجارح + ناصر الشريف )
اخوي ناصر الشريف
الله يصح ابدنك يالغالي ومافيك حيله ياناصر ولي الشرف باللعب معك وانت شاعر ياناصر وشهادتي فيك مجروحه واما بالنسبه للغز انا شكيت بالكبريت لكن انت ماوضحت اللغز عدل مو متأكد اصغرمن النمل او من الجربوع وعطيتك رمعه الحصان على العموم الله يبيض وجهك والله لايهينك ياناصر وبصراحه استمتعت باللعب معك يالذيب ودي وتقديري لك |
| الساعة الآن 06:09 PM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
