الوفا مابين صمت وبين حيره =اكتنفني بالغموض بكل ديره
يا عذاب القلب يا مصعب مسيره =فين أبلقى صاحبي بين الزحام
جتني الذكرى وصارت مستبده =الدموع بوسط عيني مستعده
والفراق علومه أضحت مستجده =ما نبي بوجيهنا زود الملام
أضحت الدنيا بعيني والمواني =ما لها قيمه ولا قدرن وشاني
أمس كان الود واضح للعياني =واثر ود الصبح يمحاه الظلام
حيرتي زادت وعقلي مكتمل =واصبح لساني وقلبي به ثمل
ما بقى بالقلب له عندي أمل =راح عني مثل ما جاء بالعسام
يا نهار الشوق يا الغصن الندي =ما بقت بالقلب فرحه تنهدي
انتهي حبي وانا اللي منتهي =واعذاب الروح صايبها الهيام
قلبي اللي من هوايه ما تهيّا =والهجير اللي بخفاقي تفيّا
أستشف الوجد من دون الثريّا =والدواء بالصبر ما فيها كلام