ادري واعرف الي يكنه ضميرك=احساس قلبي مايخون الظنوني
لكن فكر ويش تالي مصيرك=قبل الخلايق يالغلا يفهموني

كل الغلا من خاطر القلب حياك=ينثر عبير الود بأجمل زهوره
الله على على قلبي من الناس بداك=يانور شمس الكون ساعة نشوره

اقرب وخلك ياحياتي قريبي=لاتبتعد ويضيق صدر المولع
انا حبيبك وانت والله حبيبي=بالود للي يودك تدلع

شوفك سعاده للعيون الشقيه=ووصلك لقلب الهم غاية مراده
اقبل عسى دنياك دايم هنيه=يامن سكن وسط الضماير وداده

ياحبيبي لاتزيد النار كيه=نار حبك فالضماير مستقره
يشرح المشتاق روح دون جيه=صوب دارك والوصل لله دره

انت الحبيب الي بحبه ملكني=وانت الذي تكوي ضميري بنارك
وانت الذي بالشوق وحدك هلكني=وانت الذي في داخل الصدر دارك

يامل عين ٍ نومها ماجاها=السهر عن حلو الكرى يحداها
ان غمضت فعل الهوى يزعجها=واليا ابصرت هلة عباير ماها
غيري يطيب لنومه ومرتاحي=وانا منامي ساعة ً مأقساها
فيها من الاحلام مايكفيها=والهاجس الي عام ماخلاها

اليا متى واليا متى واليا متى وانا ارتجي=اليأس حطمني ومن وصلك يبس حبل الرجا
لاياحبيب الروح قلي بالهوى متى تجي=وصلك مثل نور القمر والبعد من لون الدجا

السنين الطويله في مداها يتعب الرجل بالعزم ويميل=لايغرك كلام الي يقول العزم للرجل فالوقت الشديد

أبسئلك يازين وشهو نصيبك=من قلبي الي بالموده ظلمته
أّذكر ولي الكون وارحم صويبك=وكف العذاب الي عليه حكمته

عجايب هالبشر والله عجايب=تخالف بعضها من دون سبه
ظنون ٍ قشر ونفوس ٍ غرايب=يخلون الفكر يحتار قبه

خشتك زينه والعجب فـي سنونـك=وبالذات لونك يجذب القلب والعيـن
عسى ضنوني ماتخالـف ضنونـك=اضحك وضحكني على الزين والشين

مديـت له حبل المواصيـل واخطاه=عيت حباله لاتلايم حبـالـي

الا ياوجودي وجد من وقته ايلوعه=غريب ٍ زمانه بالمصايب تقاصربه
من الي جراله مالقى منهم فزوعه=وضيم الخلايق في صميمه تسمربه
ليا من شكى قالو هذى الادمي نوعه=يحب المشاكل ياعسى فاله الكربه
هذى وجدي ووجدي على القلب وضلوعه=كما رمح سم ٍ ولاحد ٍ في يشعربه
على الي كواني فالهوى واختلف شوعه=خليل ٍ عنيد الفكر ويمي يفكربه

خلاص كملنا الطريق وقفنا=يامن فوادي بالخيانه قتلته
عشنا معك فالحب لاكن شفنا=منك التغلي والغلا ماقبلته
واليوم كلش بان ساعة عرفنا=انك غرير وحبنا مانقلته
فيك الهوى والود لا مانصفنا=فكيت باب الوصل وانته قفلته
خلاص روح والكرامه خلفنا=دام النعش بأجنازة الحب شلته