قطعت الوصل تحسبها شجاعه
وانا في غيبتك تبكي عيونـي
نسيت اهلي وحاربت الجماعه
على شانك وخلانـي جفونـي
وانا مالي على الهجر استطاعه
بحق الحب ياناس ارحمونـي
شبابي لاتسبب فـي ضياعـه
ودمع العين عنـدك لايهونـي
وقلبي يالغضي عندك وداعـه
ترفق به ولاتحـرق شجونـي
ولاتسمـع كـلامٍ أو إشاعـه
ترى ناسٍ يجو عندك يجونـي
وحبل الحب مخطر بإنقطاعـه
إذا صدقت أقـوال الضنونـي
خضعنا للهوى سمعٍ وطاعـه
ولاتسهر عيونـي ياعيونـي

الاشواق

مــشــتــاق .. ومـضـنـيـنـي الـــفــراق >> راقت لي

ياصاحبي ! هانت عليك المـوده ؟
ولا انت ماتبغى وصالي ودربـي ؟!
***
غايب و مبعد عـن عيونـك لمـده
ماشتقت لي ولا انت بايع لقربي ؟!
***
والله لـو تـدري بحبـك وقــده
ان كان ماتبعـد و تبقـى بسربـي
***
قلبـي يبيـك ولاتحـاول تــرده
تـراه لاجلـك باعنـي و غدربـي
***
حاولت انا اوقف بوجهـه وضـده
لكـن حسافـه ماقويتـه وربــي
***
وش حيلتي ؟ لو شفت انا مِنك صده
وسالت دموع العين وزوّدت كربـي
***
ماغير دمعي مغرّق ٍ لـي المخـده
واتخيلك جنبـي ولا انتـه بجنبـي
***
ملّ الصبـر منـي وبالـروح هـده
والحزن يطوينـي وهمـي ظفربـي
***
طرّش لـي المرسـول والعلـم رده
لا لاتـطـول يـاغـلا دم قلـبـي
***
هذا كلامـي جـاك وجهّـز العـده
عـدة وصالـك ياحياتـي وحبـي
***
سيل الوله جـارف ولاحـدٍ يسـده
كنه جنود الجيش في وسط حربـي
***
حبـك بقلبـي مابـه احـدٍ ينـده
والحب يفضح لـو تحـاول تخبـي

{ __ إسمعي __ هو مايهزك منظر الورد إن ذبل ؟ __ }
،،،،،،،،،،،،،،،،
لي خفوقٍ كل ماجـا طـاري البعـد أنهبـل
طالبك لاعاد تطري البعـد قـدر المستطـاع
به جـروح ولاتعـدّي .. لاتعـدّي بالهبـل
هذا وإنتي مارحلتي .. عـاد لـو قلتـي وداع
أعرفك مانتي رديّه بـس .. مقصـورة حبـل
تعرفين إني وقلبـي والمشاعـر لـك جيـاع
البلا إني قـد نهيـت القلـب لكـن ماقبـل
أبتسمتي وراح فيها وإنكشف خـط الدفـاع
ول من رمشك لمحني وأستلم صـدري نبـل
وجيت رافع له يديني في خضـوعٍ وإنصيـاع
إسمعي .. هو مايهزك منظر الـورد إن ذبـل ؟
زين يوم إنه يهـزك ليـه تلويـن الـذراع ؟
وليه يابنـت الأوادم مارحلتـي مـن قبـل ؟
إلا يعني تأكدي حجـز التشـرّد والضيـاع !
عاشقك يابنـت مالـه فـي مواعيـد وقبـل
عاشقك لو جاه حبك صاع .. ردّه بألف صاع
عاشقك من نسل قومٍ شامخـه مثـل الجبـل
لاتظني ينحنـي ويقولـك ( سمـعٍ وطـاع )
إرحلي ماعاد تفـرق والجـروح .. إلا قبـل
بس أنا في وجه ربّـي .. لاتقوليـن الـوداع


... العيون ...

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

إنّ العيون التي في طرفها حور قتلننا ثم لم يحيين قتلانا
يصرعن ذا اللب حتى لاحراك به وهن اضعـف خلـق الله اركانـا
***
أشارت بطرف العين خشية أهلها...إشارة محزون ولم تتكلّم
فأيقنت أنّ الطّرف قد قال مرحباً...وأهلاً وسهلاً بالحبيب المتيّم
***

الوهم

الوهم يقتل طموحات البشر=والهوان يزيد للضيقه هوان

لا تقولو ذا رجب والا صفر=والله ان الضيم ما يعرف زمان