رد: █◄ܓܨــ|[رآبـطـة جـمـ "العَـآلـمـيّ المـلَــكـيّ"ــهـورَ]|ــܓܨ►█
 

وليد ,
بصراحه ماحسيت بغياب بينو وتسديداته كلها ياتكون بعيده عن المرمى ولا سهله في يد الحارس :)
وحتى لو الاتحاد سيء لن يكون سوء من فريقنا واتوقع مثلك يصلح اوضاعه عن طريق النصر ,



من قال لك ان حنا نبي نشوفه اساسي؟!
من زين من مستواه عشان يلعب !!
يرحم ولديك مو ناقصنا رفعة ضغط ليته يروح مانبي تجدد عقده..
والله لو انه في نادي غير النصر مايفكرون مجرد تفكير في تجديد عقده .

رد: █◄ܓܨــ|[رآبـطـة جـمـ "العَـآلـمـيّ المـلَــكـيّ"ــهـورَ]|ــܓܨ►█
 

نصراوية عالمية ،،

مطالبتي بـ الزج بسعد لاتعني اني مقتنع في مستوآه ،
انا يمكن اكثر منك مطالبة بعدم الزج به ولا اتمناه الا خارج اسوار النادي !
لكن المعاملة اللي اعتدناها من هالاداره واللي بتذبح نجومنا فيهآ ،،
لك بعض الامثله ، :-
الموسم الماضي استخدمو هالشي مع راضي وركنوه بالاحتياط
واشركو العنزي شهرين كامله وراضي ع الدكه !
وقبله الزيلعي قعد شهر فالاحتياط ؟ يوقعّ مايوقعّ يرفع عقد ؟ مايرفع عقد !
وش هالسياسه الداجه !
بعدين يا نصراويه لو ان امس موجود سعود حمود ماقلت شي !
لكن عاجبك ريان ؟؟
ريان بلال اكثر من 3 فرص يضيعها برعونه ،
فيه فرصه عرضيه لزميله مالك يخربها ريان ويصقعها بالراس ! الكوره مب لك يامسلم وش تبي تتدخل !!
+
بينو له فقدته ولو كان امس متواجد في ظل هالمساحات لما كان انتهت بها النتيجه !
اجل بينو تسديداته سهله ؟
ماشفتي مباراه الهلال شكلك ههههههههههههه ،
ياعزيزتي بينو افضل اجانبنآ ولو رحل بنندم عليه كثير ، الي يشوفك يقول عندك لاعبين يصوّبون من بعيد
امس كل لاعب يستلم كوره ويشوف المرمى كأنه مستحي مايعرف يجرّب ويشوت ، ،:)

الله يخلي لنا بينوو بس

ق1

رد: █◄ܓܨــ|[رآبـطـة جـمـ "العَـآلـمـيّ المـلَــكـيّ"ــهـورَ]|ــܓܨ►█
 

اخوي وليد

راضي كان راجع من اصابة لما بقى احتياط لعبدالله العنزي هذا اللي اذكره
الزيلعي اصلاً من يوم جاء للنصر احتياط مو تجديد عقده هو السبب في انه يبقى احتياط ,
ماقلت ان ريان عاجبني بس في كل الاحوال ارحم من المفلس سعد , سعد حتى احمد الجيزاني احسن منه
على الاقل يسجل مع الاولمبي يعني اذا مو عاجبك ريان المفروض تطالب في الجيزاني مو في سعد ,
وبغض النظر عن تجديد عقده وهو مايستحق انه يلعب اساسي او حتى بديل ,,
وبينو لاعب اناني وضيعنا في اكثر من مباراه امام الاهلي كأنه يمرر للمسيليم مو يسدد وفي اكثر من لقطه له تثبت كلامي
كل كراته بعيده عن المرمى كأنه يرفع للجمهور ولا في يد الحراس واهدافه اللي سجلها واحد صدمت الكوره
في دفاع نجران ودخلت والثانيه امام هجر كانت سهله وحظ ,
وبالنسبه لمباراة الهلال صحيح ماشفتها بس وش فايدة تسديداته اذا مانفعت الفريق , :)
اللي ابي اقوله ان كل اجانب النصر سيئين والله لابينو لا غيره ..
اصلاً من زمااااااااااااان ماجبنا اجنبي عليه الكلام غير بدران ..

رد: █◄ܓܨــ|[رآبـطـة جـمـ "العَـآلـمـيّ المـلَــكـيّ"ــهـورَ]|ــܓܨ►█
 

يانصراويه لاتهضمين حق بينو ،،
بينو لولا قدرة الله ثم ابداع حارس الهلال ولا كانت النتيجه تاريخيه للنصر
وذا المقطع يبين كل ماسواه امام الهلال ،


[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]



وابيك تعرفين انه امام " الهلال " اي يعني امام اقوى المدافعين وكلهم دوليين :)
بدران الافضل ومن ثم بينو ،،
اتمنى نبقي على بينو رغم اقتناعي ان اي اجنبي مميز يذهب بسرعه
والدليل تعاقدنا معه إعارة لمدة موسم :(

رد: █◄ܓܨــ|[رآبـطـة جـمـ "العَـآلـمـيّ المـلَــكـيّ"ــهـورَ]|ــܓܨ►█
 

+

مسجّل 4 اهداف وهو هداف النصر حتى الان

ومع ذلك

فاشل بنظرك

:d

رد: █◄ܓܨــ|[رآبـطـة جـمـ "العَـآلـمـيّ المـلَــكـيّ"ــهـورَ]|ــܓܨ►█
 

والله يااهي طالعة من قلب كلمة يصقعها هههههههههههه


مسائكم خير وجمعة مباركة للعالميين هنا


بالنسبة لموضوعكم عن سعد وريان مع احترامي للأثنين فاشلين مع مرتبة الشرف

انا معك ياوليد ان الادارة تمارس هذي الطريقة للضغط على للاعب وانا اشوف انه متى ماوجد البديل المناسب تكون حلوة بحيث نوقع معه بأقل المبالغ لكن بتلعب في نفسية اللاعب وهذي موب في صالحنا في جهة ثانية

على العموم عندنا اللاعب اذا اخطى مايرجع عن خطاة ويحاول يعوض والدليل نكبات راضي في نجران والهلال

مع احترامي العنزي امس قدم نفسه من جديد وهذا هو الحارس الي تحسه يحرس من قلب موب استهتار راضي


الا على الطاري ياوليد مافيه اخبار عن مدرب النصر؟

رد: █◄ܓܨــ|[رآبـطـة جـمـ "العَـآلـمـيّ المـلَــكـيّ"ــهـورَ]|ــܓܨ►█
 

يارائد الاخبار حتى الان ماهي مؤكده ،
اكثر من خيار ارجنتيني وبرازيلي لكن مافيه شي رسمي
تعرف الخزينه مطفـّـره خخخخخخ

رد: █◄ܓܨــ|[رآبـطـة جـمـ "العَـآلـمـيّ المـلَــكـيّ"ــهـورَ]|ــܓܨ►█
 

رد: █◄ܓܨــ|[رآبـطـة جـمـ "العَـآلـمـيّ المـلَــكـيّ"ــهـورَ]|ــܓܨ►█
 

تصاميم لمبدعي الااقلاااع

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

عبدآلرحمنً

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

سعدٍ

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

رد: █◄ܓܨــ|[رآبـطـة جـمـ "العَـآلـمـيّ المـلَــكـيّ"ــهـورَ]|ــܓܨ►█