مهتني بالنوم طرفك ماسهر=والسهر جرح عيون مسامرك
لك بقلبي حب جاري كالنهر=سعد منهو ساكنٍ في ناظرك
ياحياة الروح ياعطر الزهر=يالذيذ البوح أرحم شاعرك
شاعرك قلبٍ من الفرقا إنصهر=وأنت رمز الطيب للي خابرك

بل ريق البعد بالشهد المباح=وضم جيد الشوق بوصال ٍ يبّل
شامخ الهقوات قلبي ما أستراح=فاق حد الكون وطويق الجبّل

قيد ني العشق وأحكم عقد ميثاقي=وأطلقني الشوق لمتون السما الزرقا
بادلته الحب طيف ٍ حل بأحداقي=وبادلني الطيف جرح ولوعة الفرقا
ياليل أسدل ستارك باحت أعماقي=أستر خفوقٍ يلاحي ساجع الورقا
جالك غريب وجريح ويطمح إعتاقي=وكسرت هامة سكوته بنظرة غرقا

أسجع مع الورق أسحب صوت وأجره=لهيب فرقاه صَرم باقي عروقي
الشوق تل المحاني وإنكسر جبره=والعين تنزف غلاه بدمع من موقي
آسامره طيف ليلٍ يحيي السهره=وأهيم به نور فجرٍ يكشف طروقي
القلب ملكه آسير ومنحكم بأمره=والفكر به داعب النبضات مع شوقي
ياليل ياليل حلمي تهت في سبره=رحلة ضياعي ووجودي صافي الذوقي

بي من هموم الوقت مازاد حده=ياللي تعاتبني على غيرمصلوح
ليتك تعرف القلب ماباح سده=لوكان بي للحزن بنيان وصروح
الله يبدل بالأمل وقت شده=وأرتاح من ضيقٍ لجا داخل الروح

بك روعة الحب وإحساس الغلا الطاهر=يامالك القلب يانبضه وشريانه
ياتاج رأسي وعزي وطرفي الساهر=يامحتميني عن أرض الذل وأوطانه
باشّهد الخلق إن الحب لك ظاهر=وأنك المسمى بقلبي وأنت عنوانه

يلوي خفوقي غلاه ويـِخضع إحساسي=والشوق يجمح بنبض القلب من شانه

يلمح الجرح لكن ماشكيته عليه=ينحر الصــمت طبعـه دام عــلّا غرور
المخايل بعينه مير تقــصر يديه=صعبة الذات تبقى حلم شخص معثور

نيران في بعدك وقربك جهنم=ماعدت لي راحة ولاعدت معشوق
مادمت بجروحي بصوتك ترنم=فـأنا بحـث خـطآي للبعــد برفوق

به جنون البعد وأنا بي جنون==شوق قلب ٍ مانوى يوم الفراق
لأن طيفه ساكن ٍ وسط العيون=لو جُرح قلبي كما جُرح العراق
الغلا والحب ماوالله يهون=مير جرحه للكرامة لا يطاق!!