متى على الله تفهم الوضع وتحس ؟!=وتخـف مـن طعـن(ن) يغـلـف كـلامـك
أنـا مشاعـر تشبـه الواهـج الشـمـس=تـنـيـر لـــك دربـــك وتـدفــي عـظـامـك
إن كان غيري عانق بخمسه الخمس=وإرتـــاح لـــه قـلـبـك وبـثــه غـرامــك
فأنا لي الرحمـان لـو خاطـري عمـس=بـابـعــد ولا يـحـتــاج حــتــى ســلامــك
أبذكـرك بالخـيـر والـيـوم مـثـل أمــس=خـالـفـت توقـيـتـي ولا أبـغــى مـلامــك
أبـعــد فـمــان الله لـــك يـــوم وتـحــس=وترجـع مثـل مارحـت تنـقـل سهـامـك

لك الله حرمت العين من نومهـا لرضـاك=قضت ليلها ترجي عسـى ضيقتـك راحـت
تكـدر مـزاج النـوم وهاجـر يـروم حمـاك=وعينـك غفـت وأناعيـونـي سـهـر بـاحـت
أراجع غرامي فيـك شاللـي علـيَ قسـاك=اليـن الفجـر لـي بـان ورقـاه بــه نـاحـت
تذكـرت وقـت(ن) فـات فيـه الأمـل عنـاك=علـى فيـضـه بالـحـب وأزهـارهـا فـاحـت
تذكرت وقت(ن) حل شفتـك تكـف خطـاك=وأنا اللي وهبتك قلب بك نبضته صاحت
مزاجك مزاجك ماأبي منك غير إرضـاك=تـكـدر منـامـي ونـاظـري دمعـتـه سـاحـت

أهديتنـي ياصاحـبـي ضيـقـة الـبـال=مهما سعيـت وجيـت عنـدك مقصِـر
مهما نزفتـك بـوح أو شعـر وأمثـال=القـاك عـقـب الـديـن فيـنـي تنـصِـر
دائـم أنـا اللـي أتبعـك وأنـت رحـال=ونفسـي تراعينـي ووضعـي تبصِـر
كنت أحسبك للوصل تحسب وتحتال=واليـا سألـت قلـت وضـعـي يقـصِـر
وأثـرك تجاملنـي وأنـا فيـك مختـال=أرسم بك حدود(ن) وسيعة وأخصِر
بـاح العتـب والقـول ينبيـك بالـحـال=مادمـت فـي حـقـك بعيـنـك مقـصِـر

يـاقـلــب لاتـعـتــب عـلـيــه وتــشــره=خلـه يــروح وجـعـل دربــه تساهـيـل
قـل للعـذاب الـلـي مـكـن فـيـك حــره=مـن زود حبـي لـه عشقـت الغرابـيـل
ليلـي همـوم وصـبـح يـومـي مـضـره=وأوسـط نهـاري ونــةٍ تتـعـب الحـيـل
قـفــى ورااح وتـــل قـلـبــي وجــــره=وأقفت معه روحي على العدل والميل
ياقلـب عـمـري صــار مـابـه مـسـره=ويـن الزمـاان اللـي مضـى والتعاليـل
ياقـلـب لــو يظـلـم لـــزوم(ن) تـبــره=هـذا سلـيـل المـجـد شـيـخ الرياجـيـل
لـو هـو وقـف نبضـك بكتمـان عـبـره=لا ترخـصـه يـاقـلـب وأرج المقـابـيـل
قل للزمن ياقـف تـرى الـروح نـزره=عيـت تطاوعنـي وتـرجـع لــه الكـيـل
تـقـول لــو تبـلـع مــن إيـديـه جـمـره=ماجاازتـه بالصـد لــو ذااقــت الـويـل
بتعيـش مـع طيـفـه وذكــره وعـطـره=ورسائلـه مـع صورتـه نـاادر الجـيـل

والله إن الشوق ياشوق يسرى بالخفـوق=صوب دارك كل مابـان صبحـي والمسـى
ووالله إن العين ترجيك... ناظرها شفوق=تلمـح الأزوال وتقـول .. يـاعـل وعـسـى
ياعديل الروح بالجوف لك حب(ن) يفوق=حبـي ال ذاتـي وناسـي وبالعهـد إكتسـى
جيت لك من وحدة العيش ماظنـي بفـوق=كون تفتح روض صدرك لهمـي والآسـى
إحتضن ضعفي بحبـك وجارينـي إرفـوق=والله إنك أول الحـب وآخـر مـن... رسـى

لاتنبش الجرح خل جروحي بصدري=لياك تدمي خفوق(ن) مااات راعيه
خله لدود المماااات وتربه القبري=لا صرت عنه مقفي فأترك السيه

وعـــد عـلــي مـــادام بالـقـلـب نـبـضـه=إنــي لعيـشـك بـالأمـل وأهــزم الـيـآس
ياللـي ملكـت القلـب طـولـه وعـرضـه=طيفك سكن بالعين والطـرف حسـاس
حبـك غرستـه نـور والــروح أرضــه=وقدرك تعلى طويق وأرفع بك الرأس

متى على الله تجبر القلب وتروف ؟=وتحس في قلبي وتفهم كلامه
القلب لك يشكي من البعد ملهوف=والدمع من عيني لشوقي علامه
يامالك نبضات قلبي مع الشوف=إجبر خفوق ٍ جاك يبغي السلامه

لا ياطيوفه سامري الشوق وإن زاد=لاقبل سواد الليل وأرخى ستاره
خليني أشكي لك من الوجد وقاد=نارٍٍٍ سطت بالروح سبة شراره
ويلاه ياقلب ٍ على الهم معتاد=ونفس ٍ من الحرمان تشكي المراره
لا ياطيوفه لا تروحين وش عاد؟!=باقي يشوق العين لا قبل نهاره
ولا خذيني يم داره وتنعاد=ذيك الليالي اللي ظلمها قراره

كرر على مسمع الإبداع عذب الحروف=أرقى على الشامخ اللي ماوطت به قدم
طوعت قاف الشجن أثنيت عزم الصروف=وأرخيت هامه حزن وأبكيت خد الندم
حرفك كسته المهابة شوف القوافي وقوف=غنت لك إبداع يولد من محصنات العدم