ياركني الهادي تراني نصيتك,,ودي اعبر عن خفايا شعوري..ركني الهادي [الأرشيف] - الصفحة 3 - الملتقى الجماهيري للشاعر محمد بن فطيس المري

رائد العصيمي

10-17-2012, 10:01 AM

صباح الخير

ياقلب ﻻﻻ توجد دامني عفته..
ترا التوجد على الي راح ماينفع..
قلي من الضيم باقي شيء ماشفته..
واقول هذا لكل الي حصل يشفع..

بقلمي

رائد العصيمي

10-20-2012, 03:42 PM

[فقط الأعضاء المسجلين والمفعلين يمكنهم رؤية الوصلات]

رائد العصيمي

10-21-2012, 02:01 PM

[فقط الأعضاء المسجلين والمفعلين يمكنهم رؤية الوصلات]

رائد العصيمي

10-22-2012, 02:30 PM

لا ياصباح الخير يانجمة الصبح
قلبي من الفرحة معك صار طاير
الربح قلبك صدقيني هذا الربح
والا سواتك كلبوهم خساير

بقلمي

رائد العصيمي

10-25-2012, 02:55 AM

[فقط الأعضاء المسجلين والمفعلين يمكنهم رؤية الوصلات]

رائد العصيمي

10-26-2012, 01:36 AM

من صادق الاحساس من وافر الشوق..
ارسل تهاني عيد الاضحى وابارك..
كل عام وانتم مع هل الحب والذوق ..
وكل عام حنا فالتهاني نشارك..

بقلمي

وكل عام والمتابعين بخير يارب

رائد العصيمي

10-31-2012, 03:33 AM

صباح الخير

اخباركم؟

رائد العصيمي

11-02-2012, 03:05 AM

ياحلو اسلوبك ومحلى ملامحك
كلك على بعضك تجنن تجنن

صباح الخير وجمعة خير يارب على الجميع

اعتذر لكم فاليوم العودة لدورتي العسكرية .. دعواتكم لي

رائد العصيمي

11-09-2012, 03:29 AM

صباح الخير.. جمعة مباركة

من منطلق مد الوفا فالهوى فرض ..
جيتك وانا وافي ويدي وفيّة ..
بمد لك حبي على الطول والعرض..
وابغى يدينك فالتلاقي سخيّة ..

بقلمي

رائد العصيمي

11-15-2012, 12:39 AM

اليوم واحد اول ايام السنة
نرسل تهانينا عساكم طيبين
من قلبنا اللي ماتغيّر معدنه
صافي ولا هزه براكين السنين
من صنع حب الغلا بيّ اتقنه
مايجيه العيب لايسار ويمين
تخرص عقول الجفا والالسنة
والله ان يبقى غلاكم والحنين

بقلمي

رائد العصيمي

11-22-2012, 09:35 AM

يوم كنتي مغرمة كنتي تجين..
بيت ن لخالد يجدد موجعي..
كل ماغناه عذبني الحنين..
يوم اناظر وانت لا منت بمعي..

بقلمي

رائد العصيمي

11-22-2012, 11:14 AM

لاتعابتني على شي ن مضى ..
مامضى فايت ولايمكن يعود ..
بيت ن لفارس على دمعي قضى ..
يوم انا سهران والعالم رقود ..

بقلمي

رائد العصيمي

11-29-2012, 12:05 PM

شوفني لامن ذكرت قلت بيت..
بيت ن لخالد يعبرني انا..
(خبروه اني على وصله حييت..
وان تفارقنا ترا موتي دنا)

بقلمي

الحمدلله تم تخرجي من الدورة التي استمرت قرابة 9 اشهر ونصف

رائد العصيمي

11-30-2012, 07:59 PM

هذي سنة من يوم قفيت عني..
لاني نسيتك وانت لا ماتذكرت..
اللي قهرني مابدر شي مني..
وانته على ظلمي سطيت وتجبرت..

بقلمي

رائد العصيمي

12-02-2012, 08:22 PM

من هطول الوصل يالغالي ظميت
لاهطل وصلك ولاذقت الهنا
وسط سوق الصد شفني ماغتنيت
لاحصل مكسب ولا جاني غنا
كم حكيت وكم شكيت وكم بكيت
لانفع دمعي ولاراح العنا
كان مخطي قول كيت وقول كيت
وكاني ناسي قول ناسي يالمنا
انت جاوب دام لأسألتي قريت
ريّح اشواقي وريحني انا
محتمي ديرة غلاتك بيت بيت
والله ان تبقى غلاتك للفنا
كم عطيتك في غيابك ماخذيت
وإسأل فؤادك بصدي وش جنا
شوفني لامن ذكرتك قلت بيت
بيت ن لخالد يعبرني انا
(خبروه اني على وصله حييت
وان تفارقنا ترا موتي دنا)

رائد العصيمي

12-12-2012, 11:46 PM

ذكرني ابن فطيس بك وانت ناسي..
شطر ن يقوله عيّف القلب طاريك..
واعلنتها من كل قلبي وراسي..
شفني وانا مقفي على كثر ماغليك..

بقلمي

رائد العصيمي

12-13-2012, 10:11 AM

bb : 2A37F171

رائد العصيمي

12-20-2012, 12:24 AM

جو الرياض تقول ساكن في باريس
جو ن طبيعي مايجي غير مرة
ياضايق الخاطر تعوذ من ابليس
فل الحجاج اليوم خير ومسرة

بقلمي

رائد العصيمي

12-21-2012, 01:07 PM

السلام عليكم

مصافحة لعلها تروق لكم ..

يقول:

كم لي وانا اقول تكفى لاتخليني
حتى تعوّدت يالغالي على غيابك
كنت الهنا والهوى داخل شارييني
وكنت استلذ بزعلك وحزة عتابك
وكنت الشعور الذي بالحب يحييني
وكنت الامل والسعادة عند طلابك
واليوم وين انت يالغالي وانا ويني
كن الجفا في غرامي يطرق ابوابك
دارت رحاة القطيعة بينك وبيني
ثم انطحن حب وصلك والجفا صابك
تركت لعيونك عيون ن تناديني
وتسألني اليوم بعد اقفيت وش جابك
انا احبك وحبك عايش ن فيني
وعروق عقلي لو انك غبت تتشابك
ياقو قلبك عليّه ليش تكويني
وانا الذي كنت لك اقرب من ثيابك
شف مكسبي (ضاق صدري وادمعت عيني)
وكل الجروح الاليمة بي من اسبابك
بقفي عسى الله على فراقك يقويني
والله يخليك لأصحابك مع احبابك

وسلامتكم

رائد العصيمي

12-27-2012, 03:43 AM

عطني حقوقي وانا بوفي حقوقك
ناقف بوجه الزمان الشين صدقني
ياجعلني فدوتك ياقلب معشوقك
ان اشهد ان الولي فالحب وفقني

بقلمي

رائد العصيمي

12-28-2012, 01:58 PM

@asheqalzeen ([فقط الأعضاء المسجلين والمفعلين يمكنهم رؤية الوصلات]):

لاتحرق بصدك مكاتب حنيني..
الصد يحرق كل مالك من اوراق..
من يوم ماغادرتني ياضنيني..
والعين تدمع كل ماقلبي اشتاق..

بقلمي

رائد العصيمي

12-30-2012, 08:22 PM

دقيت رقمك بس وش فيك ماترد
والظاهر انك ثقّل الوقت دمك
اشوف قلبك يالغلا ناسي الود
ماعاد تذكرني ولانيب بأاهمك
وش قد كان الود لك جد وش قد
اشاركك فرحتك واشيل همك
لكن تالي الوقت صار الجفا جد
بعت الهوى والحب لعيال عمك

بقلمي

رائد العصيمي

12-31-2012, 09:39 PM

أشد الألم جرح لاتستطيع الإفصاح عنه
وتكتفي بقول : أشعر بضيق ولا أعلم لماآ
.. رغم أنك تعلم يقيناً مَ السبب !!

رائد العصيمي

01-03-2013, 08:02 PM

من ماضي الوقت عارفها وخابرها..
مراكز عتيبة اهل العرف محجوزة..
العام فاز ابن عمي في منابرها..
واليوم ابارك ﻻبن مشيب على فوزة..

بمناسبة المزاين وفوز خزام الشيباني

رائد العصيمي

01-03-2013, 08:14 PM

لاتحسبني بعذرك وارجع اشيلك..
سويت بحث وتحري في بياناتك..
لقيت شي ن صدمني في تحاليلك..
بانت على لوحة الفرقا بصاماتك ..

رائد العصيمي

رائد العصيمي

01-04-2013, 01:26 PM

ياضيقة الصدر مدري ويش اسوي بك
لك مدة ن وسط صدري ماتركتيني
جلستك ماهيب من عزك ولا طيبك
الا ليا جيت ابستانس ترديني

بقلمي

رائد العصيمي

01-11-2013, 12:40 AM

عز الله اني معك طبعي سنافي..
ماارد صدك واتمنى رجوعك..
لكن ترى يامنية القلب كافي..
غيرت طبعي بس غير طبوعك ..

رائد العصيمي

رائد العصيمي

01-17-2013, 10:44 AM

سلام عليكم

الى متى وانت تستعبط وتتجاهل
تكفى غلاتك بقلبي لاتنزلها
ترا غلاتك معي ماجات بالساهل
ياخوفي انك تعاقبها وتخذلها

بقلمي

رائد العصيمي

01-20-2013, 09:05 PM

انقذوا رائد من اللي خذا قلبه وراح
وانصحوا منهم على درب ممشاية حذوا
قولوا ان العشق لا مايجيب الا الجراح
ينظر اللي عاشوا الحب قبله وش خذوا؟

بقلمي

رائد العصيمي

01-23-2013, 05:47 PM

مبدأي في دنيتي حاجتين ن ثابتات
مااجامل فالصراحة ولا اخاوي ردي
بالتجارب اتعض واتقدم فالحياة
لين وازيت بمكاني منازيل الجدي

بقلمي

رائد العصيمي

02-03-2013, 07:26 PM

تحسب ان الوقت بينقص غلاك
والله انه زايدك حب وغلا
ايه ابيك وكل مافيني يباك
جعلني من شوف زولك ماخلا

بقلمي

رائد العصيمي

02-03-2013, 07:28 PM

تبوك تغرق :

من نكبتك ياعروس الغرب ماتبنا
هذي عروس الشمال بسيلها تنعا
ياحاكم المملكة وشلون تتركنا؟
للي على اشلاء شعبك تاكل وترعا

بقلمي

رائد العصيمي

02-03-2013, 07:29 PM

العام كنت اللي تدفي ضلوعي
يوم ان برد الشبط جمّد عظمها
واليوم وصلك مايجي بحب كوعي
شوفتك في ذا البرد مالله قسمها

بقلمي

رائد العصيمي

02-03-2013, 07:31 PM

فاجأتني بصدك وانا غافل ن عنك
مابرمج الخاطر مع الوقت صدك
هذا جزاة اللي على قلبه امنك
خنت الامانة معه لا رحم جدك

بقلمي

رائد العصيمي

02-08-2013, 02:37 PM

قلت في نفسي عسى الله يثيبك ويهديك
كيف قلبي في خضام المحبة تتركة
لي شهر يازين والقلب يسهر يرتجيك
اشهد انك فالهوى معي مافيك بركة

بقلمي

رائد العصيمي

02-25-2013, 10:14 PM

عز الله اني ماتوقعت فرقاك
خصوصا اني قلتلك لاتفارق
وشلون تتركني وانا كلي ابغاك
ماتشوف قلبي فالصواديف غارق

بقلمي

رائد العصيمي

03-07-2013, 03:45 AM

صباح الخير

شخباركم؟

اشتقنا لكم والله

رائد العصيمي

03-16-2013, 11:09 PM

يارب شف سوريا وش صاير ن فيها
انصر عبادك على هالظالم الجاير
شبيحة ن طاغية يارب تمحيها
حتى تطفي معاليق الحشا الفاير

بقلمي

رائد العصيمي

03-16-2013, 11:12 PM

اشهد شهادة حق والحق ينقال
اني بعد ماغبت ضايق ومهموم
الحال لاتنشد ترا عقبك الحال
مثل الذي من طيّب الزاد محروم

بقلمي

رائد العصيمي

03-23-2013, 12:46 AM

ياذيب ياللي خيرك يحوش غيرك
انيابك اللي فالوعد تطلبك حق
تعبت تقطع لك ولا تذوق خيرك
وصلب اللحام يفككه كثرة الطق

بقلمي

رائد العصيمي

04-02-2013, 01:33 AM

ابيات متفرقة لي لعلها تروق لكم ..

مجتمعنا للأسف ينبذ النقد الصحيح
والصراحة مالها في ركونة منزلة
كان تبغى تصير فالمجتمع ناقد صريح
كل مبدأ نقد وسط الصراحة كنسله

ياقربها قرباه ساعة فراقك
ياللي على الفرقا تبي تحدني حد
قلي على درب الجفا ويش ساقك
يوم اني اعطيك الوصل وانت تجحد

#شهر_ابريل
فارق عن عيوني ترا منت فارق
منته بلاقي لك معزة وتدليل
صدقت ياقلبي كلام المفارق؟
كل الذي قلته ترا كذبة ابريل

ياطالب البعد بشّر قلبك بحاجة
وصلك بدنياي والله ماهو بلازم
لو كان نار الجفا فالجوف وهاجة
لكن قلبي على قطع الرجا عازم

ودعتني فترة وعودت مكسور
واليوم قلي ليش عودت قلي
صحيح من روحت ماني بمسرور
لكن مالك فيّ عرق ن يهلي

تقييمكم لها ..

رائد العصيمي

04-10-2013, 01:17 AM

اليوم قد تم تخريجي من قبل سيدي وزير الداخلية .. بعد معاناة دامت 13 شهرا

اللهم لك الحمد حتى ترضى ولك الحمد اذا رضيت ولك الحمد بعد الرضاء

رائد العصيمي

04-20-2013, 04:16 AM

صبحكم الله بالخير

شخباركم؟

للامانة جدة غير قبل شوي كنت بالغربية ومريت على الطايف ومكة وجدة

كل مدينة تقول الزود عندي

لبى الحجاز واهله احبهم والله

رائد العصيمي

04-25-2013, 09:39 AM

يامجلس الشورى نبي منك تغيير
تغيّر اللي يجلب لشعبنا كبت
كافي قراراتك هنا تعكس السير
حتى اجازتنا غدت جمعة وسبت

عادي تروح وتترك القلب مهموم
يالله دخيلك ليش قلبك قساوي
يعني جميع اللي حصل امس اليوم
ما رد وصلك يالطبيب المداوي؟

طولت في صدك عسى مانعك خير
ماهيب عادة تقطع الوصل عني
جاوب سؤالي يالغلا دون تأخير
يوم انت تبعد ويش واصلك مني؟

بقلمي

تقييمكم لها

رائد العصيمي

05-01-2013, 12:50 PM

الصديق اللي على الوقفة صديق
يحتزم بي كان بقعاء حدته
والله اني واقف ن وقفة طويق
دون من سود الليالي ضدته

من خاطر ن ضايق ومن قلب مكسور
استاذن العشاق قبلي وبعدي
اشهد ان الحب مايجلب سرور
واشهد ان العشق ماهو بأجودي

بقلمي

رائد العصيمي

06-07-2013, 05:17 AM

سحرتني واعميت قلبي وقفيت
ماعاد اشوف بغير قلبك مكاني
معقول ماسدك جميع الي اعطيت
حتى تخليني برجاء شخص ثاني؟

بقلمي

رائد العصيمي

06-14-2013, 01:44 PM

في مجال الزين ياصاحبي مالك حلي
افهموا والا ياجعل العواذل مافهموا
انت تدري كل ماشوفك بتقبل علي
كل عرق يقول ياولكمو ياولكمو

بقلمي

رائد العصيمي

07-19-2013, 02:34 PM

ياالهي طلبتك وانت غافر وراحم
عبدك اللي كساه الهم تغفر ذنوبة
الهموم الثقيلة في حشايه تزاحم
ضاع قلبي عساك تقديه في دروبة

بقلمي

رائد العصيمي

08-01-2013, 05:21 AM

السلام عليكم , شحالكم يااعضاء الممنتدى

اشتقت لكم والله لكن ظروف الحياة اجبرتني ان اغيب الفترة الماضية ولكن عدت لكم بقصيدة لعلها تروق لكم

مدخل للقصيدة :
ياصاحبي لو راتبي عشرة الاف
كل الدول عن راحة الشعب تنهى
لو ناكل هموم وقهر مابه خلاف
حنا الدول ناكل صواديف عنها

واما القصيدة يقول :

الشعب كنه يابو متعب على النار
ولا فيه غيرك نشتكية ونعاتب
لنا ثلاث سنين نشكيك الاسعار
اللي رفعوها معتلين المراتب
اللي كلوا شعبك وغثوه وانهار
حتى غدينا نقول تب يالبلا تب
اغراضنا بالدين والبيت بايجار
والرجل مايكفيه عشرين راتب
تكفى يابو متعب ترا وضعنا صار
شلة فساد وفسق قاري وكاتب
الوضع يبغى حر يانسل الاحرار
اقطع غلاء السلعة وزود الرواتب
واقطع نسل منهو على الشعب بوار
اللي تعلى في كبار المكاتب

وسلامتكم